Утре, недела започнува пролетниот дел од првенството во Третата Фудбалска Лига – Исток. На програмата е 16-тото коло во кое “Каменица-САСА” ја пречекува екипата на “Василево”. Каменичани очекуваат рутинска победа во овој натпревар, добра игра во континуитет и нови бодови погребни за влаз во повисокиот ранг на натпреварување – Втора македонска фудбалска лига.
Во екипата на ФК “Каменица-САСА” добрата организациска поставеност, новите засилувања во тимот и високата мотивираност на играчите се основата врз која стручниот штаб и тимот веруваат во својата зацртана цел уште од пред почетокот на есенскиот дел, а тоа е настап во повисок ранг на натпреварување во следната сезона. Додека во наредните сезони на натпреварување и враќање на старата слава на клубот и повторно уживање на каменичката фудбалска публика во Прволигашките надигрувања од трибините на Градскиот стадион во Македонска Каменица.
Утре, Недела 26. Февруари
14:00 часот
Градски стадион во Македонска Каменица
ФК Каменица САСА – ФК Василево
На останатите натпревари се среќаваат:
Слога 1934 – Кит Го Пехчево
Работник – Осогово
Овче Поле – Тиверија
Беласица – Брегалница Голак
Рудар – Плачковица
Слободни се екипите на : напредок Здравје и Малеш.