Американски тенкови и оклопни возила, со повеќе од 3000 војници, се распоредуваат во Полска, како последица од загриженоста на НАТО поради Русија. Претходно НАТО потврди дека ќе распореди тенкови и опрема по целата своја североисточна граница, а генералниот секретар Јенс Столтенберг ја нарече ваквата мерка „потег за уверување“ на источните земји-членки дека НАТО е подготвен да ги брани.
Плановите се неколку илјади војници да бидат распоредени во Полска, Литванија, Летонија и Естонија, а оваа одлука е донесена на Самитот на НАТО кој се оддржа минатото лето, во Варшава.