Во изјава за ТВ Стар, Максим Прохоров – директор за развој и инвестиции на Рудник „Саса“ најави дека компанијата ќе инвестира 10 милиони евра во набавка на нова опрема и подобрување на безбедноста при работа. Тој изјави дека покрај ова, во Програмата за работа на новиот директор Нил Роберт Стевенсон е предвидена и поголема соработка со институциите на локално и државно ниво, како и продолжување на поддршката за проекти од општ интерес за граѓаните.
Рудникот веќе работи на изградба на новото хидројаловиште кое ќе чини 7 милиони евра, а ќе овозможи непречена работа во следните 10 години.
