Голем пожар во виничко Блатец. Речиси до темел, изгореа куќите на двајца браќа:
- Почна од оџакот на сосетката, за секунда ги зафати и мојата и куќата на брат ми. Буквално сé пламна во еден момент, рече Никола Тиловски, сопственик на изгорена куќа.
На Никола му изгорело буквално сé, а огнот во неповрет ја однел и животната заштеда , одвојувана од уста за црни денови – вкупно 5.000 евра и 40.000 денари.
Полошо од ова, за Никола нема, но ја нема ниту грижливо собираната заштеда:
- Секој денар го собирав со мака, сега немам ништо, рече Тиловски.
Лошо поминал и братот на Никола – Глигор:
- Горниот кат е целосно изгорен, мебелот на децата , личните работи …, рече Глигор Тиловски, сопственик на изгорена куќа.
Огнот ги пеплосал куќите пред очите на цело село, но сите присутни биле немоќни да помогнат:
- Жената пискаше, почнавме да викаме пожарна, ама веќе огнот ги изгоре куќите, кажа Фроса Мајсторска, сосетка.
- Среќа што малку росеше и немаше ветер, инаку ќе изгореше половина село, рече Борис Мајсторски, сосед.
Речиси на залезот од животот, двајцата браќа ќе мораат сé да создаваат од нула.
На Никола и сопругата им остана само помошната шупа и веројатно зимата ќе ја поминат таму, без алишта, без покуќнина, без пари и без надеж.
Извор: Телевизија Стар