Со намера да ни посака сé најубаво, регулаторната комисија за енергетика на Република Македонија нé извести денеска дека новата година ќе ја дочекаме со за само два денари поскапи горива – од утре цената на цената на бензинот од 95 октани ќе биде 66,50, на безоловниот од 98 октани 68,50, а на омилениот ни дизел 53,50 денари за литар. Причините не треба да ги повторуваме – поскапувањето на цената на суровата нафта на светските пазари за 5,83%, скоро истото покачување на референтните цени на нафтените деривати, бензинот во просек за 5,58% и дизелот за 5,26% и како зачин курсот на доларот во изминатиот 14-дневен период кој беше за 2,10% повисок. Гледајќи ги бројкиве, на крај испаѓа дека треба да им бидеме благодарни што горивата поскапеа за само два денари – тоа што пред два месеца за литар бензин плаќавме по 60, а за литар дизел по 47 денари, мора да го заборавиме…