Општина Македонска Каменица во рамки на подготвителните работи за изградба на новите пристапни улици во Индустриската зона, врши поставување на нови водоводни линии за потребите на капацитетите и нивно нормално функционирање во иднина.
– И покрај интензивните градежни активности од пробивање и тампонирање на патен пристап кај индустриската зона кај м.в Каменички Рид се поставува водоводна линија за техничка вода на двата крака, едната во должина од 93, а другата во должина од 124 метри за нормално одвивање на работниот процес во иднина, – велат во соопштението за јавност од Општината
Вредноста на изградбата на водоводните линии изнесува 1.315.000 денари. Средства обезбедени од Буџетот на Општина Македонска Каменица. Изведувач на работите е ВОД-ВАР Инжинеринг – Скопје, избран како најповолен економски оператор во спроведената јавна набавка од Општината.