- Да најдете пари! Им се јавувате на сите другари и пријатели, фирми и компании за кои сте слушнале, на сите установи и институции. Односот дека некој ќе се заинтересира да финансира урбан музички фестивал е еден од илјада. Значи, откажување нема. Треба да свртите само едно десетина илјади бројчиња.
- Да најдете простор! Тоа е исто како да барате да ви доделат Нобелова награда за литература, а никогаш ништо не сте напишале. И на крај секако фестивалот ќе се оддржи на некоја полјана, мрачен паркинг или запуштена хала.
- Да најдете изведувачи! Колку и да изгледа лесно, ова веројатно е најтешкиот дел. Доколку по некоја случајност стапите во контакт со некоја „ѕвезда“, прво што ќе ве праша е каде е таа „вукојебина“ каде што треба да настапи. По десетдневно натегање со сите, ќе сфатите дека со ангажманот на изведувачите сте го пробиле буџетот и немате пари за понатамошна организација. Повторно се враќате на фаза 1 – вртите едно десетина илјади бројчиња.
- Фестивалот мора технички да биде организиран на највисоко ниво! Барате добра опрема, звук, светло, тоалети, барикади, маси, шанкови, обезбедување, персонал. Се! И сигурно барем десет работи ќе ги заборавите.
- Реклама! Еден од најбитните елементи, за кој никој не ви дава пари, а за да биде добра рекламата треба да продадете бубрег, панкреас, дебело црво и грклан.
- Да се скарате со сите! И со оние што ви помагаат и со оние што не ви помагаат. Со првите зашто се нафатиле со „глава ѕид да бутате“, а со вторите зашто знаеле како е и нејќеле да го буткаат со вас.
- Фестивалот може да започне! Се справувате со желби на едно пеесетина луѓе кои настапуваат и едно десетина кои технички го реализираат настанот. Ама започнува!
- Чекате публика! Најизвонредниот дел од секоја организација. Ако си помислите дека се ќе биде како што треба, задолжително да ви текне дека постои и турбо фолк. Не сте сами на планетата.
- Не спиете и не јадете само два-три дена! Доколку имате потреба од губење телесна тежина, доколку сакате да се откачите од вишок мозок или нервите ви се премногу здрави, организација на фестивал е вистинска терапија за вас.
- Се е џабе! Ова ќе си го повторувате стотици пати. Секогаш ќе знаете дека требало да ја донесете Сандра Африка. Ама џабе е. Било и поминало, а вие сте во дупка. Се враќате на фаза 1. Повторно им вртите на сите да ве спасат и им ветувате дека наредната година ќе биде топ. А знаете дека нема да е. Зашто Аца Лукас и Сандра Африка ви се под ниво.
(В.В.Д)