Пожар изгоре до темел стара напуштена куќа во делчевско Вирче. Брзата интервенција на делчевските пожарникари кои во 20 часот биле известени за пожарот, ги спасиле околните куќи и стоката која се чувала во напуштената куќа сопственос на АА.
- Констатиравме дека станува збор за запален објект, односно помошен земјоделски објект. Веднаш е пристапено кон гасење, пожарот е локализиран и целосно е изгаснат до 23 часот, кажа Јонче Атанасовски, командир на ТППЕ Делчево.
Првичните индиции се дека пожарот е подметнат.
- Најверојатно е подметнат поради нерасчистени имотно -правни работи, имавме вакви случаи претходно и во Стамер, а полицијата откри некои сторители, објасни Атанасовски.
Инаку, од Дирекцијата за заштита и спасување потенцираат дека во соработка со полицијата извршен е увид на местото на пожарот и според нив, најверојатно, пожарот е подметнат.