Вчера се одиграа три натпревари од групната фаза од турнирот во мал фудбал кој се игра во рамки на Меморијалниот турнир „Миле Јаневски Џингар 2017“. Постигнати се следниве резултати: Џафер – Делириум 1-5, Де пласт – Рудник Саса 4-2 и Фемили медика – Го пласт 0-3. Денес се игра заостанатиот натпревар помеѓу Де пласт и Фемили медика по што ќе бидат познати полуфиналните двојки. Полуфиналните натпревари ќе се играат во четврток (25.05.2017), а финалето е во петок (26.05.2017).
Во петок ќе се одиграат полуфиналните натпревари од турнирот во баскет. Во полуфинале, Клиф оф Мохер игра со Рима консалтинг, а Коце комерц со Коко. Финалето ќе се игра истиот ден.
Женското финале од турнирот во баскет се игра исто така во петок, а се среќаваат екипите на Шизик и Пајо го.
Женско финале во тенис ќе се игра во четврток, во 17.00 часот, а победничката ќе се бара помеѓу Анастасија Стојковска и Мартина Стоименовска.
Финалето во ракомет (женска конкуренција) ќе се игра пред финалниот натпревар во мал фудбал.
Познати се шампионите во пинг понг – Антонио Димитровски, и тенис (машка конкуренција) – Дарио Стојковски.