Во последниве неколку месеци, до kamenica.mk пристигнаа десетина поплаки од „лудото“ возење на возачите кои ги управуваат цистерните на Лукоил.
Иако патот Кочани-Македонска Каменица-Делчево е во лоша состојба, а во последниов период се вршат градежни активности на истиот, тоа не е пречка за возачите на Лукоил да возат со брзина поголема и од 90 км на час. Според локалните возачи, неприлагодената брзина и честото преминување на другата коловозна лента од цистерните на Лукоил им задава многу проблеми во сообраќајот.
Според неколку поплаки, токму цистерните на Лукоил се причина и за неколку сообраќајни незгоди кои се случиле на овој патен правец.