Денес, во просториите на општина Македонска Каменица, градоначалникот д-р Дарко Митевски даде Отчет за реализираните проекти, за периодот 2013-2017 година. Пред присутните новинари беа истакнати најзначајните проекти кои беа реализирани во овој период:
- Нов Дневен центар за лица со посебни потреби
- Нов Дом на култура
- Градска капела и уредување на градските гробишта
- Нова секундарна водоводна мрежа
- Реконструкцијата на манастирско-туристичкиот комплекс „Еленец“ во село Цера
- Нови тениски терени
- Нов Дом за стари лица во село Саса
- Нови детски игралишта
- „Куќа на спортот“ која е во завршна фаза
- Изградба на типски мостови на река Каменичка
- Реконструкција на простории на Градски базен
- Асфалтирање улици и локални патишта во руралните средини
- Нов Генерален урбанистички план и нови ДУП-ови
- Набавка на возила за бесплатен јавен превоз и многу социјални програми, мерки и активности
- Поддршка за невладиниот сектор, здруженија на граѓани и спортски клубови, проект за спорт и млади
- Поддршка за развој на културата
- Ново монтажно училиште во село Моштица
- Проекти за поддршка и развој на образованието
- Проекти во областа на сообраќајот и противпожарната заштита
- Проекти во областа на здравствената заштита
- Проекти во областа на информатичкиот развој, земјоделието и руралниот развој, и меѓународната соработка
Градоначалникот на општина Македонска Каменица, д-р Дарко Митевски, најави дека во текот на 2017 година ќе биде завршена атмосферската и фекалната канализација во Македонска Каменица и ќе бидат асфалтирани уште неколку патни правци во руралните средини и неколку улици во централното градско подрачје. Ќе биде доизграден и кејот на река Каменичка, а ќе се реализираат уште десетици проекти кои значително ќе го подобрат квалитетот на живот на локалните жители.