Пронајдена е 14 – годишната Клара која вчера исчезна во скопската населба Илиден ваквата информација ја потврдила нејзината мајка за Телма. Апелот за исчезнувањето на Клара беше молскавично споделен на социјалните мрежи
Девојчето според Телма, било најдено кај Транспортниот центар во Скопје. Центарот бил една од двете локации (покрај Градскиот парк) каде се одвиваше засилена полициска потрага бидејќи преку скриен телефонски број мајката добила известување дека девојчето по семејната караница со автобус 63 заминало од Илинден во центарот на Скопје. На мајката и било посочено дека девојчето ќе преспие на отворено или на Железничката станица во Скопје или во Градскиот парк.
Полицајците и блиските роднини и пријатели на Клара од претпладнево ги пребарувале двете локации, а кај Железничката станица (Транспортен центар) е најдена девојката во добра и стабилна здравствена состојба.