Македонска Каменица, 13 октомври 2017 (kamenica.mk)
Во Македонија денеска ќе биде претежно сончево и топло со умерен северен ветер, кој повеќе ќе биде изразен долж Повардарието.
Како што соопшти УХМР, утрото ќе биде свежо со утрински температури кои ќе се движат во интервалот од 0 до 8, а дневната највисока температура на воздухот ќе биде од 21 до 27 степени.
Во Македонска Каменица викендов ќе биде со сончево и топло време, со умерен северен ветер. Температурата ќе се движи од четири до 25 степени.
Во наредните денови ќе продолжи периодот на сончево време со постудени утра, а дневните температури ќе бидат во пораст. Исклучок ќе има в сабота кога ќе биде малку до умерено облачно и повремено ќе дува засилен северен ветер, особено долж Повардарието. Во почетокот на наредната работна седмица се очекуваат и натпросечни дневни температури.
