16 години од терористичките напади на 11 септември
САД одбележат 16 години од стравичните координирани терористички напади, кои на 11-ти септември 2001-та година го шокираа светот.
Доналд Трамп, прв пат како претседател ќе присуствува на одбележувањето на годишнината, која ќе почне со минута молчење во истото време кога првиот авион се заби во светскиот трговски центар.. Нападите во кои загинаа вкупно 2.998 луѓе, ги извршија припадници на терористичката група Ал Каеда со киднапирани авиони.
Тој трагичен настан го означи почетокот на американската и западната глобална кампања против тероризмот, која резултираше со војните во Авганистан и во Ирак.