Отворен повик за учество на ликовен конкурс за деца 2024
Македонска Каменица, 31 октомври 2024 – И оваа година, трета по ред, Рудник САСА објавува јавен повик за учество во ликовен конкурс за детски цртежи со мотиви кои се поврзани со работењето на рудникот и неговото значење за луѓето, семејство и локалната заедница.
На конкурсот може да учествуваат сите деца од 5 до 15-годишна возраст кои живеат на територијата на општина Македонска Каменица, како и децата на вработените во САСА на таа возраст.
Ликовните творби треба да се достават најдоцна до 22 ноември 2024 година во Канцеларијата за комуникација со заедницата на Рудник САСА (ул. „Рударска“ бр.28, Македонска Каменица). Вработените во САСА може да ги достават творбите на своите деца во канцеларијата на Службата за персонал.
На задниот дел од цртежот треба да се напишат следните информации: име и презиме на детето; име и презиме на родителот/старателот; датум на раѓање на детето; адреса на живеење и телефонски број за контакт. Со доставувањето на цртежот, детето и неговиот родител/старател автоматски даваат дозвола дека истиот може се користи од страна на САСА.
Најдоцна до средината на декември посебна надворешна комисија, составена од членови кои не се вработени во САСА, ќе ги изберат најдобрите цртежи за кои членовите на комисијата веруваат дека најдобро го преставуваат рудникот САСА и неговиот придонес за луѓето и заедницата. Секој од победниците ќе биде награден со по 3.000 денари. Овие цртежи ќе бидат искористени за изработка за календар за 2025 година, како и за други соодветни прилики.