Утре, сабота 14 Октомври, со почеток во 11 часот на Манастирско-туристичкиот комплекс “Еленец” во с.Цера, ќе се одржи традиционалниот народен собир по повод Покров на Пресвета Богородица.
Организаторите на оваа традиционална манифестација се членовите на здружението на граѓани “Еленец” и жителите на село Цера. Тие Ве покануваат на прекрасно уживање во природните убавини на овој крај и целодневно дружење со многубројните посетители од околните градови и целиот регион воопшто.
Како и секоја, така и оваа година КИЦ “Романса” и КУД “Вера Јоциќ” имаат предвидено и огранизирано богата музичка програма каде присутните на манифестацијата ке ги забавува локалниот бенд “Актив бенд“ и повеќе познати гајдаџиски групи од земјава.