Градскиот а капела хор “Ѓерѓеф” ги собра наградите на VII Меѓународен фестивал за камерни хорови „АСТИБО Фест”
Со голема гордост објавуваме дека синоќа А капела хорот “Ѓерѓеф” од соседно Делчево оствари извонреден успех на „АСТИБО Фест”, каде што нивните три ансамбли освоија три први места во три различни категории!
Градскиот а капела хор „Ѓерѓеф“ од Делчево триумфираше на престижниот натпревар „АСТИБО Фест”, освојувајќи го првото место во својата категорија!
Под вештото диригентство на проф. м-р Елена Ѓеоргиевска, хорoт ја воодушеви публиката и жири-комисијата. Аранжманите, создадени со многу посветена работа, труд и бројни часови во студио, создадоа извонредна музичка атмосфера која ги остави сите без зборови.
Публиката аплаудираше без престан, дури и за време на изведбите, препознавајќи ја уникатноста и моќта на секоја песна. Овациите и честитките не престануваа, а „Ѓерѓеф“ гордо го претстави својот град со голема староградска музичка традиција, иако мал по големина, доминирајќи на сцената со својата исклучителност.
Честитки до сите членови на хорот за извонредниот успех, и огромна благодарност до проф. Елена Ѓеоргиевска за нејзината неуморна работа!