Apple во септември треба да го претстави новиот iPhone, а по интернетот кружат бројни гласини за тоа какви перформанси ќе има. Очекувањата се дека и овој пат ќе има две верзии на популарниот телефон и дека тоа ќе бидат iPhone 7 и iPhone 7 Plus.
Ова се 9-те работи што ги очекуваме од новиот iPhone
1. Екранот би требало да остане со иста димензија, што значи дека iPhone 7 веројатно ќе има 4,7 инчен 3D Touch екран, одека поголемиот модел со Plus ознаката ќе има 5,5 инчен екран. Очекувањата се дека Apple ќе ја зголеми резолуцијата на екраните.
2. Новите iPhone смартфони ќе имаат Apple A10 процесор и 2 GB RAМ за стандардниот модел, како и веројатно 4GB за 7 Plus верзијата.
3. Apple веројатно ќе престане да ја произведува верзијата со интерна меморија од 16 GB и веројатно основниот модел ќе биде оној со 32 GB.
4. Може да се очекува подобрување кај камерата, па поголемиот модел веројатно ќе ја има двојната камера со 16 мегапиксели од задната страна, како и 8 мегапиксели од предната страна, додека iPhone 7 ќе има задна камера од 2 мегапиксели и предна од 5 мегапиксели.
5. Секако новиот модел на iPhone ќе ја користи најновата верзија на iOS 10 која има неколку подобрувања и новини.
6. Новите смартфони на Apple треба да добијат поголеми батерии, па iPhone 7 ќе има батерија од 3.000mAh, додека iPhone 7 Plus ќе има батерија од 4.000 mAh.
7. Apple iPhone 7 ќе го нема 3,5 милиметарскиот влез за слушалки туку тие ќе се поврзуваат преку портот за полнење.
8. Поголемата батерија ќе овозможи опција за брзо полнење, но ова засега е само шпекулација.
9. Очекувањата се дека новите iPhone модели ќе ја добијат одредена водоотпорност, опција која веќе ја имаат Android моделите.