Денес општина Македонска Каменица се вклучи во најголемата еко – акција „Македонија без отпад” ,со главен покровител Швајцарската агенција за развој и соработка. Целта на акцијата е да биде собран отпадот расфрлан низ дивите депонии во природата, подигање на еколошката свест кај населението, да се придонесе за здрава и чиста животна средина и да се овозможат одржливи решенија за управување со отпадот во Република Македонија. Во денешната акција која се спроведе во атарот на село Моштица, Македонска Каменица, се вклучија вработени од Ј.П. „Камена Река“, вработени и ученици од О.У.,,Кирил и Методиј ” и СОУ „Миле Јаневски Џингар“.