Министерот за здравство Венко Филипче, денеска уште еднаш упати апел да не се патува во северна Италија и да не се наседнува на лажни вести, а до медиумите и до корисниците на социјални мрежи апелираше да не шират паника.
Филипче посочи дека лицата со евентуални симптоми треба да се јават во Центарот за јавно здравје.
„Ако некој забележи некакви симптоми, да не се шета по клиники, туку да се јави во центарот за јавно здравје и ќе му се дадат совети што треба да прави и ќе дојдат здравствените работници кај него“, рече Филипче.