Каменичката Шумска полиција информираше дека се фатени дрвокрадци во село Дулица. Станува збор за два одделни случаи, при што во првиот случај се запленети тринаесет метри кубни огревна дрвна маса и истата е предадена во шумски плац. Во вториот случај во двор на семејна куќа е затечена бесправно исечена и складирана дрвна маса во количина од шест метри кубни и таа исто така е одземена. Против сторителите се поднесени соодветни пријави.
Од Шумската полиција апелираат дека ќе има зголемени контроли и бараат од населението да ги почитува законите и да не врши бесправна сеча на шумите.