ТЕШКО ПОВРЕДЕН ЛОВЕЦ ОД КОЧАНИ

ТЕШКО ПОВРЕДЕН ЛОВЕЦ ОД КОЧАНИ

02.01.2022 – Педесет и петгодишен ловец од Кочани утрово е тешко повреден при истрел од ловечка пушка на негов колега.

Инцидентот се случил во атарот на селото Јастребник на падините на Осоговските Планини, а ловецот се здобил со прострелна рана во пределот на стомакот.

-Наша интервентна екипа учествуваше во извлекувањето на повредениот од стрмниот и тешко пристапен терен на кој ловел. Со сериозна повреда на левата страна од слабинскиот дел го предадовме на итната медицинска помош, која го транспортираше до болницата во Кочани, истакна Благој Паунов, командир на Територијалната противпожарна единица.

Од Одделението за внатрешни работи информираа дека ловецот кој пукал во својот колега е приведен и против него е поведена истражна постапка, а ловечката пушка е одземена.

Т. Ајтовски (kanal8)

Leave a Reply

Your email address will not be published. Required fields are marked *