Македонска Каменица, 02.09.2021 година – Вчера, во доцните вечерни часови, најновото детско катче во Македонска Каменица се најде на удар на вандалите. Имено, од досега непознати сторители, вчера вечер, уништени се делови од реквизитите поставени во детското игралиште од новиот Парк на Младоста.
Ваквите деструктивни акти, за жал постојано се одвиваат ширум целата градска средина. Само пред два дена беа уништени повеќето реквизити на инклузивното детско игралиште во склоп на детската градинка „Бамби“. Не беше поштедено ниту порано изграденото детско игралиште во централното градско подрачје на улица Пере Тошев.
Локалната самоуправа апелира до своите сожители, да се воздржат од ваквите деструктивни акти, бидејќи се работи игралишта и реквизити кои го разубавуваат јавниот простор, каде најмладите каменичани заедно со своите родители се дружат и социјализираат. Општина Македонска Каменица ќе ги преземе сите мерки за расветлување на овие несакани вандалски чинови и дејства.
