„Во Македонија Пат работев пет години, а имам платено само пет месеци стаж. Во тогашна Фортуна , работев 15 години и пак немам стаж. таму имав несреќа, бев потрупан со земја и оттогаш сум неспособен за работа, а инвалидска пензија не ми дадоа“, ја раскажа својата животна и работна приказна штипјанецот Шакир Иљазов.
Случајот со Шакир е идентичен со уште најмалку 500 други во Источниот регион. Сите тие или го немаат минимално потребниот стаж од 15 години за стекнување право на пензија , или фирмите не им уплакале во пензискиот фонд.
„Многу наши членови не успеаја да добијат надомес зашто иако работеле , стажот не им е платен или им се озгубени документите па немаат доказ за 15 години работа. најмногу ги има од Винарска виба ама и од други фирми“, изјави Кемаледин Арсланов, претседател на Унит – Штип.
Ова е нивната веројатно последна шанса во животот да стекнат каква таква социјална сигурност за живот бидејки се работи за лица кои се постари од 65 години:
„Ова значи многу за сите луѓе кои се стари и немоќни, не можат да работат повеќе. Ако се оствари ова, барем ќе имам нешто за јадење, вака немам ништо“, вели Шакир.
Според анализите, вкупно тие во државата се околу 6000 и месерчно треба да добиваат по 6000 денари. Законот веке е во собраниска процедура и се очекува да биде донесен до крајот на јуни.