Македонска Каменица, 08.05.2021 година – Фудбалскиот шампион на Македонија во женска конкуренција, ЖФК Каменица Саса ги претстави најновите и најмлади членови на клубот.
Во текстот објавен на нивниот официјален “фан пејџ” стои:
Нови фудбалерки во најмалите генерации 👏
Уште поголем интерес од девојчиња од Македонска Каменица, се надеваме
идни европски фудбалерки и наши репрезентативки🙏
#ОдимеНапред #ОдимеДоКрај 💪🥇🏆🖤⚒
Иако клубот постои само три сезони, ЖФК Каменица Саса е двократен шампион на Македонија и учесник во најсилното европско фудбалско натпреварување, Лига на шампиони.
Основач и тренер на Женскиот фудбалски клуб во Македонска Каменица е Зоран Златковски, поранешен фудбалер со повеќегодишна интернационална кариера, со свои фудбалски почетоци во ФК Каменица САСА.