Во недела ќе биде осветен манастирот „Св. Ахрангел Михаил“ во Аџиско маало, село Саса

Македонска Каменица, 18.04.2023 година – Свештенството при Светиот храм „Успение на Пресвета Богородица“ објави радосна вест за верниците од Македонска Каменица и регионот.
– Со голема радост ве известуваме дека на 23.04.2023година (2 недела на Воскресение -Томина) ќе се изврши чинот на осветување на манастирот посветен на Собор на Св. Архангел Михаил во Аџиско маало, село Саса на м.в Среден рид.
Чинот на осветување ке го изврши Митрополитот Брегалнички г. Иларион во сослужение на свештенослужители од Брегалничката епархија. Воедно ќе биде отслужена и Света Божествена Архиерејска Литургија.
По завршувањето на чинот на осветување на манастирот и Светата Литургија ќе биде поделен ручек за здравје на сите верници со почеток од 11:00 часот во дворот на манастирот, – известуваат од свештенството при Светиот храм
Христос Воскресе !
Навистина Воскресе !

Leave a Reply

Your email address will not be published. Required fields are marked *