Огромни бранови предизвикани од силен ветер ги уништија летните бавчи покрај охридското крајбрежје. Ветерот со брзина од околу 90 километри на час носел се пред себе и предизвикал многу штети во градот.
-По плажите е ужасно! Се што е покрај езерото е под вода! Ветерот направи лом, како да паднала атомска бомба. Кафулињата Аквариус, Кадмо и многу други, се е однесено од водата. Во опасност се и прикотвените бродови, ни изјави охриѓанецот Ване Петкоски.
На социјалните мрежи охриѓани од пред неколку часа споделуваат фотографии и клипови од невремето.
Од Управата за хидрометеоролошки работи најавуваат пороен дожд и силен ветер и за утре.
Вики Клинчарова