Газда на текстилна фабрика од Кочани го прекршил законот, откако работниците ги натерал да работат за време на државен празник, но за работата им платил обична, а не празнична дневница.
„…Споменатиот работодавач навремено го известил Државниот инспекторат дека одлучил неработниот ден и воедно државен празник да биде работен ден. На тој ден 63 работнички го евидентирале своето присуство на работното место. Работодавчот извршил пресметка и уплата на надоместок на плата за поминати работни часови во ден на неделен одмор, но не извршил пресметка и уплата на надоместок на плата за работа во денови на празници и неработни денови, што е спротивно на Законот за работни односи и Општиот колективен договор за приватен сектор од областа на стопанството…“
Ова е првпат во Источниот регион, Хелсиншкиот комитет за човекови права да интервенира во одбрана на работничките, но и човекови права во текстилна фабрика.
Работата на празници и неисплаќањето на празнична дневница, е едно од најчесто прекршуваните работнички права на текстилните работници. Токму и поради ова, се погласни се барањата за формирање на Синдикат, кој ќе се залага за правата на овие работници:
- Има потреба од прв надворешен граѓански синдикат на работниците составен од работниците, а не како досега од самите работодавачи, изјави Кристина Ампева, прет. на Здруж. „Гласно“.
Инаку, според Законот за работни односи, за време на празник се исплаќа за 50 % повисока дневница од нормалната.