Нашиот сограѓанин Бошко Стаменковски се враќа со три златни медали Москва, Русија. Стаменковски изминатиот викенд учествуваше на Светскиот куп во Бенч прес, каде беше единствениот македонски претставник. Медалите, како што информира Стаменковски, се освоени во три дисциплини во силна конкуренција.
-На овој натпревар најпрвин имавме мерење на 14 декември, додека натпреварите се одржа на 15 декември. Првиот златен медал го освоив во дисциплината за дигање тегови за натпреварувачи до 75 килограми со подигнати 132,5 килограми, златен медал освоив и во дигање тегови со повеќе повторувања во која имав 33 повторувања за подигната иста тежина и исто така со подигнати 45 килограми бев најдобар во дисциплината ,,Strict Curl”, истакна Стаменковски.
За Стаменковски успесите се доста значајни, бидејки со нив е заокружена уште една добра година на спортски план.
-Задоволен сум од постигнатото, имав учества на Европски и Светски првенства, на кои исто така освоив медали, учествував на неколку Балкански и Светски купови, а за прв пат се натпреварував и во неколку други спортови. Носител сум на Светскиот рекорд во правење склекови, така што оваа 2019 година, можам да кажам дека ми е една од поуспешните во мојата ветеранска кариера, додава Стаменковски.
Бошко Стаменковски од Македонска Каменица е еден од ретките спортисти кој со Пауер-лифтинг и Бенч прес започна да се занимава по 40 година од животот. За 5 години, колку што трае неговата кариера, успеа да собере медали колку што нема освоено ниту еден македонски спортист во било кој спорт.