Приведен Бојко Борисов

Бугарската полиција вечерва го приведе поранешниот бугарски премиер Бојко Борисов, објавија тамошните медиуми. Покрај него, приведени се неговата ПР советничка Севдалина Арнаудова, поранешниот министер за финансии Владислав Горанов и поранешната пратеничка Менда Стојанова.

Акцијата на бугарската полиција е по истрага на Европското јавно обвинителство, објави бугарската телевизија „Нова“. Паралелно со приведувањата, се извршуваат претреси на многу локации.

Канцеларијата на Европскиот јавен обвинител е независно тело, формирано од Европската унија да истражува злоупотреби на европските фондови.