Перо за ММС: Не сум во љубов со Цеца, туку со македонско девојче

„Не сум во љубов со Цеца, туку со македонско девојче“ – Перо Антиќ за ММС негира дека е во врска со фолк пејачката

Фото: nbcsports.com/ТВ Прва принтскрин

Перо Антиќ и Цеца се во врска! Ова веќе неколку месеци се шпекулира, a нема пoтреба да се објаснува дека станува збор за нашиот екс кошаркар и балканската ѕвезда.

Шушкањето околу нивната врска почна набргу откако се прозборе дека Перо и манекенката Катерина Иванова, раскинале.

Дали Цеца ќе стане македонска снаа и дали навистина е во врска со нашиот Перо Антиќ, ММС побара одговор од екс кошаркарот.

– Абе тоа се секти, кои  измислуваат приказни, а јас сум си среќно заљубен со друга личност и нека не  ме мешаат со други за ефтини кликови на интернет. Нема врска. Зашто Скопје е станато како „мртво море“, како што вели Цеца во песната? Ете затоа. Од рекла – казала приказни. Место да се гледат поголеми вредности, се измислуваат приказни. И затоа пропаѓа градот, да не кажам државата. Од такви нелуѓе, вели тој за ММС.

Антиќ е човек, кој ретко зборува за приватниот живот. Затоа и овој пат вели дека нема да каже со кого е во врска, но, дека секако тоа не е Цеца.

-Интимен живот не споделувам. Нека си шпекулираат. Само ќе кажам мојата нова љубов е македонско девојче, вели тој и додава:

-А со Цеца се знам, да. Се имам запознаено на еден хепенинг,  но тоа нема врска од овие глупости за кликови. Приказни кои ги измислуваат секти, вели Перо и додава:

-Пиши „СЕКТИ“ со големи букви…

(В.М.)

Leave a Reply

Your email address will not be published. Required fields are marked *