ОД УТРЕ СЕ ЗАОСТРУВААТ КОВИД МЕРКИТЕ – ПОЛИЦИСКИ ЧАС ОД 20 ЧАСОТ, СЕ ЗАТВОРААТ УГОСТИТЕЛСКИТЕ ОБЈЕКТИ

Нови рестриктивни мерки од утре стапуваат на сила во Македонија, откако во изминатиот период беше забележан константно висок број на новозаразени и починати од ковид-19 како резултат на ширењето на британскиот сој, а болниците се ставени под најголем притисок од почетокот на епидемијата. Овие мерки ќе важат во наредните две недели.

  • Место од 22, полицискиот час од утре ќе почнува во 20 часот, а ќе завршува во пет часот.
  • Угостителските објекти целосно ќе бидат затворени од 7 до 21 април, вклучувајќи ги и оние во хотели, мотели и бензински станици.
  • Од утре се затвораат и теретаните и се забранува одржувањето на конференции и семинари.
  • Обложувалниците продолжуваат да работат, но нема да биде дозволено да се седи внатре.
  • Од Министерството за здравство кажаа дека овие мерки се донесени за да се избегне целосно затворање за претстојните празници Рамазан Бајрам и Велигден.
  • Во првите пет дена од април, 196 лица ја изгубија битката со ковид-19, а има и повеќе од 5.000 новозаразени.
  • Бројот на активни случаи на коронавирус се искачи на 20.802.

Leave a Reply

Your email address will not be published. Required fields are marked *