Сината боја на оваа графика на НАСА ги прикажува потенцијалните области со молекули на вода и хидроксил на Месечината
Месечината е полна со дупки со скриена вода, откриле истражувачите на НАСА. Ова е одлична вест за плановите на американската вселенска агенција да испрати астронаути назад на Месечината преку програма и да постави постојана база таму, со цел да се користи како ресурс за време на претстојните мисии – како враќање на луѓето на Месечината преку програмата Артемис на НАСА. Овие амбиции се потпираат на можноста за ископување вода на Месечината и потоа одвојување на водата во кислород и водородни соединенија за производство на ракетно гориво. Со оглед на тоа дека е многу скапо и бара да се лансира доволно гориво од Земјата за астронаутите да стигнат до Марс, водата на Месечината веројатно ќе биде клучна во започнувањето на новата ера на истражување на вселената.
„Почнувате да работите во станици за вселенски горива, а потоа станувате помалку зависни од земањето на целото гориво со вас од Земјата“, изјави за „Бизнис инсајдер“ Анхел Абуд-Мадрид, директор на Центарот за вселенски ресурси во Колорадо, додавајќи дека ова е најголемата пречка за луѓето во вселенското истражување.
Две студии
НАСА сè уште не знае колку вода може да има на сателитот на Земјата, но два труда објавени во списанието „Природна астрономија“(Nature Astronomy) покажуваат дека има надеж. Една студија го потврди присуството на молекули на вода во месечевата прашина на површината на Месечината. Во исто време, друга група објави дека на Месечината има речиси 40.000 квадратни километри под вечна сенка каде потенцијално има скриени залихи на вода во форма на мраз.
Она што претходно го знаеја е дека постои некаков вид на хемиско соединение кое содржи водород, но тие не можеа да препознаат дали станува збор за вода или хидроксил, соединение кое има само еден наместо два атоми на водород.
Истражувачите ги споделија своите откритија за време на прес-конференцијата на НАСА. Истражувањето е засновано на податоци собрани со помош на телескопот Софија.
„За прв пат е потврдено дека водата е присутна на сончевата површина на Месечината“, рече Пол Херц, директор на одделот за астрофизика на НАСА за време на прес-конференцијата.
Истражувачите користеле податоци и од месечевата орбита за да ги проучат ладните стапици во трајно засенчени области на Месечината, каде што водата може да остане замрзната. Некои од овие ладни стапици можеби го избегнале сонцето со милијарди години.
Поларни стапици исполнети со мраз
Најчестите скриени џебови вода преку површината на Месечината може да бидат заробени во мали ледени дамки со големина на денар што живеат во трајни сенки, откриле истражувачите.
„Ако можете да замислите да стоите на површината на Месечината во близина на еден од нејзините полови, ќе видите сенки на целото место“, изјави Пол Хејн, автор на главната студија и доцент во лабораторијата за атмосферска и вселенска физика на Универзитетот во Колорадо. „Многу од тие ситни сенки би можеле да бидат полни со мраз“, додава тој.
Месечината може да содржи 15.000 квадратни милји трајно засенчени стапици во низа големини што можат да го зачуваат водниот мраз, проценуваат истражувачите. Претходните проценки беа дека таа површина е околу 7.000 квадратни милји.
„Ако сме во право, водата ќе биде подостапна за вода за пиење, за ракетно гориво, сè за што НАСА им потреба од вода”, рече Хејн. Претходните пребарувања за мраз на Месечината се концентрирани околу големите кратери на половите, каде што температурите се измерени дури на негативни 405,67 Фаренхајтови степени.
Но, идните мисии на Месечината, како слетувањето на првата жена и следниот маж близу јужниот лунарен пол до 2024 година преку програмата Артемис на НАСА, може да откријат повеќе информации.