Моника Зафировска го торпедираше ЖКК Шкупи од Скопје

Вчера, во спортската сала во Македонска Каменица, ЖКК Баскет Кам против екипата на ЖКК Шкупи од Скопје го одигра 15.Коло од Првата македонска кошаркарска лига во женска конкуренција.

Мораме да напоменеме дека и на овој натпревар играч на натпреварот беше шеснаесетгодишната Моника Зафировска која успеа да постигне дури 41 поен од вкупните 66:32 за домаќините. Каменичката публика и вчера имаше можност да ужива во шоуто на Зафировска. Високиот процент на реализирани шутеви за 3, борбената игра еден на еден и мудрите соло пробиви кон противничкиот кош, покрај дисциплината во обраната се одлики на играта на младата Моника Зафировска.

Со оваа победа екипата на КК Баскет Кам е сериозен кандидат за едно од првитр четири места на табелата, за што говори и моменталниот пласман. Каменичанки, заедно со уште три други екипи го дели третото место на табелата од Првата кошаркарска лига на Македонија, со освоени 22 бодови.

Наредното 16.Коло ЖКК Баскет Кам е слободна екипа, додека во 17.Коло ја дочекува екипата на ЖКК Пелистер од Битола.

Пред почетокот на натпреварот од Првата лига, беше одигран уште еден натпревар од М-18 категорија помеѓу истите екипи кој заврши со 48:43 за домаќините. И на овој натпревар најдобар стрелец и играч на натпреварот беше неприкосновената Моника Зафировска со вкупни 29 постигнати поени.

 

Leave a Reply

Your email address will not be published. Required fields are marked *