Евровизија помина во знакот на #Proud! Тамара ја освои европската музичка јавност

Тамара со Proud, ја стресе Европа. Изведбата на баладата од страна на македонската претставничка предивика воодушевување кај публиката во Тел Авив, како и кај европската и светската јавност. Веднаш по настапот на Тодевска Евровизија на социјалните мрежи напиша – Супергорди сме со Тамара по оваа изведба!

На синоќешната финална вечер, Македонија беше фаворит и на познатиот пејач Бој Џорџ кој тоа го сподели и на твитер – Засега, фаворит ми е Македонија. Македонската песна беше главна тема и за Би Би Си..Додека вие зборувате за географија, ние уживаме во ова..Луѓето бараат летови за Скопје во мај 2020, пишува на твитот на Би Би Си евровизија.

Гласањето беше во знакот на Тамара и нејзината Proud. Само 5 од 41 земја кои гласаа на Евровизија не дадоа поени за македонската претставничка.

-И, 12 поени одат за Северна македонија..Австрија

На крај, 12 поени за Северна Македопнија – Велика Британија.

Тамара долго време беше на врвот со освоените поени. Возбудата не ја криеше и нејзиниот тим.

-Ќе доживеам срцев удар. Многу сум горда, вели Тамара Тодевска.

Но гласовите на публиката го реши победникот. Тамара доби само 53 поени и заврши на 8-мо место. И покрај пласманот, реакциите на европската и домашната јавност се дека македонската претставничка е морален победник. Поддршка имаше од многу балкански музичкли звезди како и од колеги од Македонија.

-Време е да се преиспита начинот на гласање на Евровизија. За мене, тамара е победник, напиша Жељко Јоксимовиќ.

Тамара беше топ тема и во грчките медиуми, кои пишуваа дека Македонија беше големото изненадување на Евровизија.

Околу евровизиската претавничка и нејзиниот настап синоќа, на иста линија застанаа и македонските политичари.

-Честитки #TeamTamara, покажавте и докажавте дека секој вреди макотрпно да се бори за своите соништа, вие сте наши победници!
Вчера ни ја донесовте Евровизија дома, заедно пеевме и го споделивме успехот, а граѓаните на Република Северна Македонија се горди на вас! , напиша македонскиот претседател Стево Пендаровски.

-Честитки Тамара, честитки #TeamTamara. Скапоцени се овие моменти на единство кои ни ги донесовте преку музиката. Одамна не сме биле олку горди! #Proud, стои во честитката на премиерот Зоран Заев.

-Честитки за Тамара. Македонија вечна, порача лидерот на Вмро ДПМНЕ Христијан Мицковски.

Победата на синоќешната Евровизија ја понесе претставникот на Холандија.

Тамара настапи под реден број 8 и на крајот заврши на осмата позиција. Ова е најдобар пласман на Македонија досега.

Leave a Reply

Your email address will not be published.