По тринеделен зимски распуст, учениците денеска се враќаат во училишните клупи за второто полугодие од учебната 2019/2020 година.
Наставата ќе продолжат да ја следат 270 000 средношколци и основци, меѓу кои околу 20 000 првачиња. Во Македонска Каменица настава во ООУ „Св. Кирил и Методиј“ ќе следат 505 ученици, додека настава во гимназијата „Миле Јаневски Џингар“ ќе посетуваат 150 ученици.
Наставниците продолжуваат да работат со повисоки плати од јануари за 10 отсто, согласно со постигнатиот договор помеѓу синдикатот (СОНК) и Министерството за образование и наука.