Делчево добива нов градски пазар

Делчево наскоро со нов градски пазар. Објектот ќе се гради во централното подрачје, на градежна  парцела со површина од 11.600 метри квадратни од кои речиси 7.000 метри квадратни е површина предвидена за градење на пазарот :

  • Ние сакаме да добиеме современ градски пазар со целосна инфраструктура, во смисла отворен и затворен дел, кој што ќе биде покриен со кровна конструкција, изјави Горан Трајковски, градоначалник на Делчево.

За таа цел, општината објави оглас за изработка на архитектонски и урбанистички проект, и за нив локалната самоуправа предвиде 640.000 денари од сопствениот буџет .

Избраната фирма, архитектонско – урбанистичкиот проект треба да го изработи за 20 дена, додека за основниот проект рокот е два месеци :

  • Решението на парцелата да даде можност за етапно градење со нагласок на прва фаза – отворен и затворен градски пазар со придружни содржини – и ќе опфаќа површина од 2500- 3000 м2 од вкупната површина за градење, дополни Трајковски.

Заинтересираните фирми имаат рок до 5-ти март за да ги поднесат своите понуди за подготовка на архитектонско – урбанистичкиот проект, а крајниот рок за вториот тендер истекува на 12- ти март.

По изработката на проектните документации, општина Делчево ќе бара начин за изградба на овој проект – или преку донации или преку јавно – приватно партнерство.

Извор: Телевизија Стар

Leave a Reply

Your email address will not be published. Required fields are marked *