Македонија претрпе многу промени затоа што не можеше да се смета на осум стартери. Најголемите новости се во средниот ред, а во нападот, каде се Тричковски и Трајковски, место доби и Влатко Стојановски пред Илија Несторовски.
МАКЕДОНИЈА (3-5-2): Шишковски; Зајков, Муслиу, Велковски; Ристовски, Тотре, Костадинов, Бејтулаи; Трајковски; Тричковски, Стојановски
Ерменија, пак, ќе игра во стандардната формација, во тимот ќе бидат двајцата екс-вардарци Хамбарџумјан и Барсегјан, а најголема опасност е најистурениот напаѓач Карапетјан.
ЕРМЕНИЈА (4-2-3-1): Јурченко; Хамбарџумјан, Харојан, Восканјан, Хофханисјан; Григорјан, Удо; Барсегјан, Корјан, Хакобјан; Карапетјан
Натпреварот меѓу Ерменија и Македонија стартува од 18:00 часот, а е битка за првото место. На Македонија ѝ е потребно најмалку реми за да остане лидер, додека на Ерменија во игра ѝ е само победата. Подобриот од овој меч патува во Лигата Б.