Виолинистот Зоран Џорлев почина од ковид-19

На 53-годишна возраст почина Зоран Џорлев еден од најдобрите македонски виолинисти, вокален изведувач и професор.

Од Министерството за здравство за „360 Степени“ потврдија дека Џолев се лекувал од ковид-19, но денеска ја загубил битката со вирусот.

Тој беше познат по многубројните обработки и изведби на македонски народни и забавни песни, обработки на филмски, џез и етно теми.

Дипломирал виолина на Факултетот за музичка уметност. Работел како професор по виолина, и бил директор на ДМБУЦ Илија Николовски Луј во Скопје. Во јануари 2011 бил назначен за директор на ансамблот за народни игри и песни „Танец“, каде останал до август 2017 година.

Leave a Reply

Your email address will not be published. Required fields are marked *