Во несреќата со тешки повреди завршил возачот на комбето и е задржан на лекување во битолската болница. Десетте ученици со полесни телесни оповреди по лекарската интервенција биле пуштени на домашно лекување.
„Во несреќата се повредени 12 лица, од кои10 деца и два шофери Десетте деца се прегледани, а едниот од шоферите е истотака прегледан ипратен дома, а другиот е со повреда на карлица и е задржан на ортопедското одделение.“ – вели Зоран Лазаров – директор на битолскиот клинички центар.
Екипи на СВР битола веднаш излегле на терен и бил извршен увид на местото на несреќата.
„Околу 7.30, се случила незгода меѓу комбе со битолски регистарски таблички и автобус сопственост на правно лице во кои се превезувале 30 ученици.“ – вели Лефтерија Миленкоска – портпарол СВР Битола.
Резултатите од истрага треба да покажат под кои околности настанала несреќата.