12.XII.2017 kamenica.mk
Чистење на речното корито од Каменичка река
Вработените во ЈП Камена Река од минатата недела започнаа со активност на чистење на коритото на Каменичка река од нанесените наноси и талог кои го стеснуваат коритото, а со тоа реката добива забрзување кое ги поткопува страните и бреговите на коритото. Во оваа активност беше вклучена крупна механизација се со цел побрзо и поефикасно расчистување на речното корито на Каменичка река. Оваа активност ќе продоли и во наредните денови се до целосно расчистување на коритото, а истата заедно со други активности ќе прерасне во редовна пракса и активност на ЈП Камена Река.