13.10.2017 год.
Утре се среќаваат и екипите од Втората лига Исток. Каменица Саса во Македонска Каменица ја пречекува екипата на кавадаречки Тиквеш. Од овој натпревар екипата на Саса очекува и прва победа во оваа катастрофална сезона за нив. Од седум одиграни натпревари имаат само еден освоен бод и ФК Каменица САСА, буквално е закована на дното од табелата. Последниов период во клубот од Каменица, како последица на лошата игра на клубот во певенството, се случија и неколку смени на раководните и тренерските позиции во клубот. Сега фудбалската јавност и љубителите на фудбалот во градот воопшто очекуваат работите во клубот да тргнат кон подобро и со подобра игра, конечно да бидеме сведоци на првата победа на Саса.
Во другите средби силите ги вкрстуваат: Плачковица и Кожуф ќе се сретнат во Радовиш, Беласица во Струмица ја пречекува Брегалница. Кочански Осогово го пречекува Борец.
Дуелот меѓу Хоризонт Турново и Победа од Валандово нема да се одигра. ФФМ ниту денеска не го отстрани Хоризонт од официјалниот распоред поради неплатената котизација. Можни дефинитивни одлуки по тоа прашање се очекуваат од понеделник.