Македонска Каменица – Утре, во Спортската сала во ООУ „Св. Кирил и Методиј“ – Македонска Каменица, со почеток од 15:30 часот ќе се одржи настан на кој наставниците по физичка култура и здравствено образование ќе се обидат преку игра, дружење и предавања да ја подигнат свесноста кај учениците за дијабетесот како болест.
Во рамки на одбележувањето на настанот во ООУ „Св. Кирил и Методиј“, покрај стручно предавање за учениците, ќе биде организиран и спортски турнир во кој ќе учествуваат ученици од 2006/07 генерација. Истите ќе се натпреваруваат во два спорта, футсал (машки) и ракомет (женски). Организатори се наставниците за физичка култура и здравствено образование Мира Гошевска и Сашо Мицевски, во соработка со Open Fun Football Schools. Настанот е поддржан од општина Македонска Каменица.
