Во рамки на 33 издание на МФФ “ИСТИБАЊСКО ЗДРАВОЖИВО” и програмата на фестивалот, традиционално дел од учесниците ќе имаат свој традиционален концертен настап и дефиле во Македонска Каменица. Со свои ора и песни ќе се претстават фолклорни групи од Турција, Словенија, Молдавија, Бугарија, Хрватска, Литванија
и КУД “Вера Јоциќ” од Македонска Каменица како домаќини на настанот.
Настапот започнува во 17:30 часот со фолклорно дефиле на учесниците во центарот на градот, додека од 18:00 часот, започнува концертниот настап на сите учесници во Домот на култура во Македонска Каменица.
Настанот е во организација на КИЦ Романса, а помогнат од општина Македонска Каменица.