Од петте нови ракометарки кои треба да го засилат составот на ЖРК Вардар, на првата прозивка во спортскиот центар „Јане Сандански“ присуствуваа Словенката Тамара Мавсар и Белорусинката Дијана Илина. Останатите три, Камила Херем, Мајса Песоа и Александра Лакрабере ќе му се приклучат на македонскиот шампион кон крајот од месецов по завршувањето на Олимпијадата во Рио.
По направените лекарски прегледи, словенката Мавсар се запозна со условите на спортскиот центар и ги одработи првиот тренинг. На почетокот на подготвителниот период Вардарки ќе работат на физичката состојба, а во координација со стручниот штаб главната улога повторно ќе и биде доверена на Марија Лојаница.
Иако се очекуваше позвучно име на централната бековска позција, па дури медиумите лицитираа со имињата на Агилар и руската репрезентативка Дмитриева, вчера од таборот на „црвено-црните“ пристигна веста за новиот плејмејкер во Вардар. Се работи за белорусинката Дајана Илина која оваа сезона треба да му помогне на стручниот штаб предводен од Индира Кастратовиќ да дојде до првото финале во Лигата на шампионките.
преземено од 24ракомет
ФОТО: www.zrkvardar.mk