Општина Македонска Каменица во текот на 2016 година обезбеди ЕУ грант во износ од 260.000 евра. Со овие средства покрај патот до Перчачка маала, се гради и патот во Сарафска маала во село Саса.
Овие неповратни средства се обезбедени од Европската Унија, програмата се имплементира преку Министерството за финансии на РМ, а истите се администрираат од страна на Светска банка.
Крајната цел е да се подобри инфраструктурата во руралните области.
Инаку, патот до Сарафска маала е со вкупна должина од околу 2 километри, ширина на коловозот од 3,5 метри, а фирма-изведувач е Жикол од Струмица.