На денешниот состанок со претставници од општина Македонска Каменица, на градоначалникот Димчо Атанасовски му беше претставен оперативниот план за првата фаза од проектот за оддржлив развој на Општина Македонска Каменица
– Во оваа фаза од проектот фокусот ќе биде на пронаоѓање и градење на капацитетите кои ќе го имплементираат проектот на локално ниво, утврдување на туристичката и земјоделска стратегија за промоција на општината, како и дефинирање на брендот на Македонска Каменица, – велат од PrimePoint
– Општина Македонска Каменица ќе се движи во вистински правец, преку создавање на долгорочен концепт за развој и ангажман на сите локални фактори, како и со вклученост на локалното население.
Конечно ќе понудиме правилни решенија за поддршка на новите и постоечките бизниси, ќе создадеме услови за развој на земјоделието и туризмот, – истакна градоначалникот на Општина Македонска Каменица, Димчо Атанасовски
Преку јавен повик, како што стои во соопштението од PrimePoint, жителите на Македонска Каменица ќе имаат можност преку доставување на идеи и предлози, директно да бидат вклучени во развивање на промотивната програма за својата општина.