ОПШТИНА МАКЕДОНСКА КАМЕНИЦА АПЕЛИРА ДО ГРАЃАНИТЕ:
ПРАЗНУВАЈТЕ БЕЗ ПЕТАРДИ И ГРУПИРАЊА. ПРАЗНУВАЈТЕ БЕЗБЕДНО!
Општина Македонска Каменица ги повикува сите граѓани да не користат петарди и пиротехнички средства, кои претставуваат опасност за здравјето, за домашните и улични животни, како и за животната средина.
Користењето на петарди и други пиротехнички средства е казниво од 200 до 500 евра согласно Законот за прекршоци против јавниот ред и мир, Законот за заштита од експлозивни материи и Кривичниот законик.
Изминативе деновиве, локалната самоуправа се координираше со Полициското одделение – Македонска Каменица, за да има почести полициски патроли во населбата за санкционирање на користењето со петарди и останата пиротехника.
Ги информираме жителите, дека употребата на пиротехнички средства можат да пријават на 192.
Безбедноста на граѓаните е најважна. Живееме и во ек на светска пандемија, каде што новогодишните и божиќните празници мора да ги прославиме без групирања и големи собири.
Да се грижиме за заедницата и да прославуваме безбедно.