Почина Шон Конери, најпознатиот Џејмс Бонд

Сер Шон Конери, светски познатиот актер кој се прослави со улогата на Џејмс Бонд, почина на 90-годишна возраст.

„Сер Шон Конери, кој го прослави својот 90-ти роденден во август, почина денеска“, објави BBC.

Семејството на Конери потврди дека тој починал, но не даде причина за смртта. Сепак, BBC објави дека тој починал навечер, во сон, додека бил на Бахамите.

Легендарниот шкотски актер е познат по многу филмови, вклучувајќи ги „The Hunt for Red October“, „The Rock“, „Indiana Jones and the Last Crusade“, „The Untouchables“, „The Name of the Rose“ и многу други.

Шон беше првата ѕвезда што ја играше улогата на агентот 007 на големото платно и се појави во седум хит филмови во оваа позната франшиза.

Добитник е на голем број филмски награди, меѓу кои и Оскар за најдобра споредна машка улога во „The Untouchables“ во 1988 година, две награди BAFTA и два Златни глобуса.

Конери доби титула почесен витез од кралицата Елизабета во 2000 година. Но, тој е подеднакво сакан и почитуван од неговите колеги Шкотланѓани. Поранешниот шкотски премиер Алекс Салмонд реагираше на смртта на Конери, опишувајќи го како „најголемиот Шкотланѓанец во светот, последен од вистинските холивудски sвезди, совршениот Бонд“.

Leave a Reply

Your email address will not be published. Required fields are marked *