Полицијата во Скопје казнила 15 пешаци зошто не поминале улица на пешачки премин

Полицијата вчера казнила 15 пешаци затоа што преминале улица надвор од обележан пешачки премин, а тројца затоа што поминале улица на црвено светло.

Покрај ова, соопшти МВР, во текот на вчерашниот ден казнети се и 52 возачи кои возеле со брзина поголема од дозволената. Од сообраќај се исклучени и 23 возачи од кои 18 возачи возеле без дозвола, а петмина биле возачи почетници. Тројца возачи се санкционирани поради поминување на крстосница на црвено светло, четворица затоа што не дале првенство на минување на пешаци и седуммина возачи поради тоа што не носеле кацига.

Исто така, исклучени од сообраќај биле и 17 возила бидејќи биле нерегистрирани. Во текот на изминатиот ден издадени се 116 мандатни платни налози, додека 81 возило е подигнато со специјално возило „пајак“.

 

Leave a Reply

Your email address will not be published. Required fields are marked *